Google ADS

Sulmohet autokolona ushtarake amerikane në Irak

15:08 | 6 Shkurt 2022
Përparim Bublaku

Një bombë në skaj të një rruge shënjestroi autokolonën ushtarake që transportonte mjete logjistike për koalicionin e udhëhequr nga SHBA-ja kundër grupit terrorist DAESH në Irakun jugor, sipas një zyrtari lokal të sigurisë.

Nuk u raportua për të lënduar në sulmin që ndodhi në autostradë në provincën jugore al-Diwaniya, tha zyrtari në kushte anonimiteti sepse ai nuk ishte i autorizuar të fliste për mediat.

Një automjet ushtarak pësoi dëme mesatare nga shpërthimi.

Sipas burimit, autoritetet irakiane kanë nisur një hetim për sulmin, transmeton Anadolu Agency (AA).

Muajt e fundit është regjistruar një valë sulmesh ndaj autokolonave të koalicionit në Irakun qendror dhe jugor.

Washington-i akuzon grupet irakiane të mbështetura nga Irani se qëndrojnë pas sulmeve kundër forcave të koalicionit të udhëhequra nga SHBA-ja në Irak.

Shpërndaje në rrjete sociale

Lajmet më të lexuara

Të ngjashme

Foto lajm